بّ الوقت هالجايْ و تلفح مبارح
خود الصبر محايْ ورد البعد جارح
ضبّ الوقت خدّلَك بعد شمة (ي)
و تفحّصو أمس المضا
بتلقى العطر .... إمي
ضبّ الوقت خود المدى مشوار
و تعتّق بخمر البعد ... ضبّ الندي بجرار
و جيب الصور ... كل الصور
لتفرفطا فوق الخوابي و اشربا تذكار
ضبّ الوقت قلي شو صار و كان
بِ نَوِل صدرك يا ولد بعدو القمر غفيان
و بعدك عم تمرجح عمر و تهدهدو عَ اسمها الـْ زهّر متل نيسان
لك كان يا ما كان
كبر الولد و تشردق النسيان
ضبّ الوقت وينو عمر بكرا
عم بحبش وراق الأمل ... غصّ القلب حسرة
و طرّز - ثواني هالوقت - خيط القصب
عَ طراف ليلة (ي) ملبكي
و نتسامر بتلج البعد هي و أنا
و كاسا معي ...
طعمو صبر
لونو قهر
مالو اسم
كلّ العمر عَ فرقتك ذكرى
ضبّ الوقت وينو عمر الاعياد
يا ريت ضليتي معي كبر الولد عَ غياب
و تشرّدوا وراق الوقت نامت شمس الولاد
عم اندهك مافي حدا صوتي صدى ما جاب
يا غايبة بعدك قضا
مْحرم على غيابك تجي الاعياد
ضبّ الوقت هالجايْ و تلفّح مبارح
عمري صدى هالنايْ بليل البعد سارح
خود الصبر محايْ ورد البعد جارح
ضبّ الوقت خدّلَك بعد شمة (ي)
و تفحّصو أمس المضا
بتلقى العطر .... إمي
ضبّ الوقت خود المدى مشوار
و تعتّق بخمر البعد ... ضبّ الندي بجرار
و جيب الصور ... كل الصور
لتفرفطا فوق الخوابي و اشربا تذكار
ضبّ الوقت قلي شو صار و كان
بِ نَوِل صدرك يا ولد بعدو القمر غفيان
و بعدك عم تمرجح عمر و تهدهدو عَ اسمها الـْ زهّر متل نيسان
لك كان يا ما كان
كبر الولد و تشردق النسيان
ضبّ الوقت وينو عمر بكرا
عم بحبش وراق الأمل ... غصّ القلب حسرة
و طرّز - ثواني هالوقت - خيط القصب
عَ طراف ليلة (ي) ملبكي
و نتسامر بتلج البعد هي و أنا
و كاسا معي ...
طعمو صبر
لونو قهر
مالو اسم
كلّ العمر عَ فرقتك ذكرى
ضبّ الوقت وينو عمر الاعياد
يا ريت ضليتي معي كبر الولد عَ غياب
و تشرّدوا وراق الوقت نامت شمس الولاد
عم اندهك مافي حدا صوتي صدى ما جاب
يا غايبة بعدك قضا
مْحرم على غيابك تجي الاعياد
ضبّ الوقت هالجايْ و تلفّح مبارح
عمري صدى هالنايْ بليل البعد سارح
